Jul 6, 2024

തിരുവനന്തപുരം: കെ എൽ എം ആക്സിവാ ഫിൻവെസ്റ്റിന്റെ 25-ആമത് വാർഷികത്തോടനുബന്ധിച്ചു ലീഡേഴ്സ് സമ്മിറ്റ് തിരുവനന്തപുരത്ത് തുടക്കം കുറിച്ചു . സമ്പൂർണ്ണ സാമ്പത്തിക സാക്ഷരത ഗ്രാമങ്ങളിലേക്കു എത്തിക്കുക എന്ന ലക്ഷ്യത്തോടെയാണ് ഈ പദ്ധതി ആരംഭിച്ചത്. ഇതിനോടുഅനുബന്ധിച്ചുള്ള സെമിനാറുകളും ക്യാമ്പുകളും മറ്റു ബോധവത്കരണ ക്ലാസ്സുകളും സംഘടിപ്പിക്കാനുള്ള പ്രത്യേക പരിശീലന പരിപാടിയാണ് ലീഡേഴ്‌സ് സമ്മിറ്റിലൂടെ നടപ്പിലാകുന്നത്. പ്രാരംഭ ഘട്ടത്തിൽ തിരുവനന്തപുരം മുതൽ കോട്ടയം വരെയുള്ള സോണിലുള്ള പഞ്ചായത്തുകളിലാണ് ഈ പദ്ധതി നടപ്പിലാക്കുന്നത്. കേരളത്തിലെ 1000 പഞ്ചായത്തുകളിൽ സമ്പൂർണ്ണ സാക്ഷരതാ ഈ പദ്ധതിയിലൂടെ കൈവരിക്കുമെന്ന് കെ എൽ എം ആക്സിവ ചെയർമാൻ ശ്രീ. ടി. പി. ശ്രീനിവാസൻ ചടങ്ങ് ഉത്ഘാടനം ചെയ്തു കൊണ്ട് അറിയിച്ചു. സി. ഇ. ഒ. ശ്രീ. മനോജ് രവി ചടങ്ങിൽ അധ്യക്ഷത വഹിച്ചു. ഡയറക്ടർ ശ്രീമതി. ബിജി ഷിബു , എക്സിക്യൂട്ടീവ് ഡയറക്ടർ ശ്രീ. ഷിബു തെക്കുംപുറം, വൈസ് പ്രസിഡന്റ് ശ്രീ. വി സി ജോർജ് കുട്ടി, സോണൽ മാനേജർ ശ്രീ. രാജേഷ് പി. എന്നിവർ പങ്കെടുത്തു.